Pangasinan – Arestado ang isang Wanted Person sa ikinasang Manhunt Charlie Operation ng mga operatiba ng Pangasinan Police Provincial Office nitong Lunes, ika-17 ng Hulyo 2023.
Kinilala ni Police Colonel Jeff Fanged, Provincial Director ng Pangasinan Police Provincial Office, ang suspek na si Daniel, 22 at residente ng Road 3, Brgy. Matagdem, San Carlos City, Pangasinan.
Ayon kay PCol Fanged, naaresto ang suspek sa bisa ng Warrant of Arrest sa kasong Rape by Sexual Assault in relation to RA 7610 na may inirekomendang piyansa na Php200,000.
Naaresto ang suspek bandang 12:59 ng hapon sa Brgy. Rizal, San Carlos City, Pangasinan ng pinagsanib na mga operatiba ng San Carlos City Police Station, Provincial Intelligence Team at Regional Intelligence Unit 1.
Ang matagumpay na pagkakaaresto sa mga suspek ay tanda ng epektibong pagganap ng mga miyembro ng Pambansang Pulisya ng tungkulin nitong maibigay sa mamamayan ang hangaring ligtas at payapang komunidad.
Source: San Carlos City Police Station
Panulat ni PSSg Bader Ceasar Ayco
