Kaloboso ang isang lalaki sa kasong pagnanakaw sa isinagawang Manhunt Operation ng Tracker Team ng Tamparan Municipal Police Station sa Barangay Lumbacalilod, Tamparan, Lanao del Sur noong ika-21 ng Pebrero 2024.
Kinilala ni Police Captain Sailani B Armama, hepe ng Tamparan MPS, ang suspek na si alyas “Goku”, 40, may asawa, walang trabaho at naninirahan sa Barangay Poblacion 1, Tamparan, Lanao del Sur.
Naging matagumpay ang operasyon sa pinagsanib pwersa ng mga tauhan ng Manhunt Trucker Team ng Tamparan MPS at Lumba-bayabao MPS kung saan naaresto ang suspek sa bisa ng Warrant of Arrest sa kasong pagnanakaw na may nirekomendang piyansa na Php20,000.
Bukod pa rito, nakumpiska rin sa suspek ang isang clutch bag na naglalaman ng 18 pirasong transparent plastic sachets na pinaniniwalaang shabu na may timbang na 1.54 gramo at tinatayang nagkakahalaga ng Php9,240; dalawang cellphone, isang libong piso; at iba pang non-drug evidence.
Mahaharap si alyas “Goku” sa kasong paglabag sa Article 308 o Theft at Republic Act 9165 o “Comprehensive Dangerous Drugs Act of 2002”.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad na naaayon sa mga programa ni Pangulong Ferdinand R. Marcos Jr. na magkaroon ng maunlad na bansa para sa sambayanang Pilipino tungo sa isang bagong Pilipinas.
Panulat ni Pat Veronica Laggui
