San Esteban, Ilocos Sur – Arestado ng San Esteban MPS ang isang Wanted Person sa paglabag sa Section 5 (I) of RA 9262 nitong Martes, ika-27 ng Setyembre 2022.
Kinilala ni PMaj Daniel F Burgos, Officer-In-Charge ng San Esteban Municipal Police Station, ang suspek na si Jojo Galimba y Apolonio, 31, may asawa, OFW at residente ng Brgy. San Pablo, San Esteban, Ilocos Sur.
Ayon kay PMaj Burgos, bandang 4:50 ng hapon ng naaresto ang suspek sa Brgy. San Poblacion, San Esteban, Ilocos Sur na pinangunahan ng San Esteban MPS sa tulong ng Ilocos Sur Provincial Intelligence Unit, Ilocos Sur Provincial Investigation and Development Management Unit at 2nd Ilocos Sur Provincial Mobile Force Company.
Dagdag pa ni PMaj Burgos, naaresto ang suspek sa bisa ng Warrant of Arrest sa paglabag sa Section 5 (I) of RA 9262 o Anti-Violence Against Women and their Children Act of 2004 na may rekomendadong piyansa na Php72,000.
Ang tagumpay ng paghuli ng suspek ay bunga ng pagkakaisa ng mamamayan laban sa may pananagutan sa batas.
Source: San Esteban MPS
Panulat ni PSSg Marvin Jake Romero
