Palawan – Timbog ang isang Wanted Person sa isinagawang operasyon ng mga tauhan ng El Nido Municipal Police Station sa Brgy. Bagong Bayan, El Nido, Palawan noong ika-28 ng Pebrero 2023.
Kinilala ni Police Major Bermar Herrera, Officer-In-Chrage ng El Nido MPS, ang suspek na si alyas “Lando”, 43, residente ng El Nido, Palawan.
Ayon kay PMaj Herrera, naaresto ang suspek sa isinagawang operasyon ng pinagsanib puwersa ng mga tauhan ng El Nido MPS, Provincial Intelligence Unit Palawan at PIDMU Palawan sa bisa ng Warrant of Arrest sa kasong paglabag sa Section 10(A) ng RA 7610 o ang “Special Protection of Children Against Abuse, Exploitation and Discrimination Act” na may inirekomendang piyansa na Php80,000.
Ang Pambansang Pulisya ay hindi titigil sa kampanya laban sa pagsugpo sa kriminalidad, droga at terorismo para sa kaligtasan ng mamamayan at ng bansa.
Panulat ni Patrolman Erwin Calaus
