Arestado ng mga awtoridad ang isang lalaking Wanted Person na may kasong Murder matapos mahuli sa Barangay 25 Paterno Extension, Tacloban City nito lamang ika-10 ng Pebrero 2025.
Kinilala ni Police Major Joselito B Amistoso, Officer-In-Charge ng Tacloban City Mobile Force Company, ang suspek na si alyas “Laurence”, 19 anyos at residente ng Barangay 83, Cogon, Tacloban City.
Bandang 1:40 ng hapon nang maaresto ang suspek ng mga tauhan ng Tacloban City Mobile Force Company sa bisa ng Warrant of Arrest para sa kasong Murder na walang piyansa.
Ang operasyon ay naging matagumpay sa pakikipagtulungan ng mamamayan upang mapaigting ang kampanya kontra kriminalidad para mapanagot ang mga taong may sala sa batas at mapanatiling ligtas ang komunidad tungo sa Bagong Pilipinas.
Panulat ni Patrolwoman Ma. Elena B Singian
