Arestado ng mga awtoridad ang isang lalaking Wanted Person na may kasong Murder sa isinagawang operasyon sa Barangay Conception, Ormoc City nito lamang ika-22 ng Mayo 2025.
Kinilala ni Police Captain Jefferson Q Barrios, Officer-In-Charge ng Ormoc City Police Station 6, ang suspek na si alyas “Marcelino”, 52 anyos, construction worker at residente ng Barangay Conception, Ormoc City.
Naaresto ang suspek bandang 5:30 ng hapon ng mga tauhan ng Ormoc City Police Station 6 sa bisa ng Warrant of Arrest para sa kasong Murder na walang inirekomendang piyansa.
Ang operasyon ay naging matagumpay sa pakikipagtulungan ng mamamayan upang mapaigting ang kampanya kontra kriminalidad para mapanagot ang mga taong may sala sa batas at mapanatiling ligtas ang komunidad tungo sa Bagong Pilipinas.
Panulat ni Patrolwoman Ma. Elena B Singian
