Arestado ng mga awtoridad ang isang lalaking Wanted Person na may kasong Murder sa Barangay 8 Poblacion, Llorente, Eastern Samar nitong lamang ika-27 ng Mayo 2024.
Kinilala ni Police Captain Marvien L Bo, Acting Chief of Police ng Llorente Municipal Police Station, ang suspek na si alyas “Judas”, 35 anyos, isang laborer at residente ng Barangay Candoros, Llorente, Eastern Samar.
Bandang 05:00 ng umaga nang maaresto ang akusado ng pinagsamang mga tauhan ng Llorente Municipal Police Station kasama ang Eastern Samar Provincial Police Office-Provincial Intelligence Unit, Regional Intelligence Unit 8-Provincial Intelligence Team Eastern Samar, Eastern Samar Criminal Investigation and Detection Group-PFU at 2nd Eastern Samar PMFC sa bisa ng Warrant of Arrest para sa kasong Murder na walang piyansa.
Ang Pambansang Pulisya ay patuloy sa pagtugis ng mga nagkasala sa batas upang mapanatiling maayos at tahimik ang komunidad tungo sa nagkakaisang layunin na Bagong Pilipinas.
Panulat ni Patrolwoman Christine Reyna T Tolledo
