Walang takas sa mga awtoridad ang isang lalaking Wanted Person na may kasong Murder matapos mahuli sa Barangay Binongtoan, Alangalang, Leyte nito lamang Abril 14, 2025.
Kinilala ni Police Major Godofreed C Zantua, Acting Chief of Police ng Alangalang Municipal Police Station, ang suspek na si alyas “Nonoy”, 44 anyos at residente ng Barangay Binongtoan, Alangalang, Leyte.
Naaresto ang suspek bandang 9:30 ng gabi ng mga tauhan ng Alangalang Municipal Police Station sa bisa ng Warrant of Arrest para sa kasong Murder na walang inirekomendang piyansa.
Ang operasyon ay naging matagumpay sa pakikipagtulungan ng mamamayan upang mapaigting ang kampanya kontra kriminalidad para mapanagot ang mga taong may sala sa batas at mapanatiling ligtas ang komunidad tungo sa Bagong Pilipinas.
Panulat ni Patrolwoman Ma. Elena B Singian
