Arestado ang isang wanted person sa kasong Murder sa ikinasang operasyon ng mga awtoridad sa Malabang, Lanao del Sur nito lamang ika-2 ng Hulyo 2024.
Kinilala ni Police Major Ivan John B Bakian, Hepe ng Malabang Municipal Police Station, ang suspek na si alyas “Von”, nasa hustong gulang, may asawa, at residente ng Barangay Pasir, Malabang, Lanao del Sur.
Ayon kay PMaj Bakian, matagumpay na naaresto ang suspek dahil sa pinagsanib pwersa ng Malabang Municipal Police Station at 1403rd Regional Mobile Force Company, Regional Mobile Force Batallion 14-A sa bisa ng Warrant of Arrest sa kasong paglabag ng Art. 248 ng Revise Penal Code o Murder na walang piyansa.
Ang matagumpay na pagkakaaresto sa suspek ay patunay lamang sa epektibong pagpapatupad ng Pambansang Pulisya ng Pilipinas sa sinumpaang tungkulin na maghatid ng serbisyo publiko para sa mas maayos, maunlad at mapayapang bagong Pilipinas.
Panulat ni Patrolwoman Veronica Laggui
