Natividad, Pangasinan – Arestado ang isang wanted person sa kasong Lascivious Conduct kaugnay sa RA 7610 ng Bauang PNP nito lamang Lunes, ika-05 ng Setyembre 2022.
Kinilala ni Police Major Cresencio P Abila Jr., Officer-In-Charge ng Bauang PNP, ang suspek na si John Paul Orcales y Manzado, 18, residente ng Brgy. Bachelor West, Natividad, Pangasinan.
Ayon kay PMaj. Abila Jr., naaresto ang suspek bandang 4:50 ng hapon sa Brgy. Bachelor West, Natividad, Pangasinan ng mga tauhan ng Bauang Municipal Police Station, La Union Provincial Intelligence Unit at 2nd La Union Provincial Mobile Force Company.
Ayon pa kay PMaj. Abila Jr., naaresto ang suspek sa bisa ng Warrant of Arrest sa kasong Lascivious Conduct section 5 (b) (2 counts) kaugnay sa RA 7610 o Special Protection of Children Against Abuse, Exploitation and Discrimination Act na may inirekomendang piyansa na Php150,000.
Ang pagkakaaresto sa suspek ay bunga ng pakikiisa ng mga mamamayan sa adhikain ng PNP na mahuli ang mga wanted persons upang mapanagot sila sa mga krimeng ginawa.
Source: Bauang Municipal Police Station
Panulat ni Patrolman Joshua A Jimenez
