Cabugao, Ilocos Sur – Arestado ang isang Wanted Person sa kasong Homicide sa ikinasang Manhunt Charlie Operation ng mga operatiba ng Police Regional Office 1 nitong Sabado, ika-17 ng Disyembre 2022.
Kinilala ni Police Major Juan Jhayar Maggay, Hepe ng Cabugao Municipal Police Station, ang suspek na si Sonny Quibilan y Vivit, 39, residente ng Brgy. Bonifacio, Cabugao, Ilocos Sur.
Ayon pa kay PMaj Maggay, naaresto ang suspek bandang 10:45 ng gabi sa Brgy. Rizal, Cabugao, Ilocos Sur ng pinagsanib na operatiba ng Cabugao Municipal Police Station, 1st Ilocos Sur Provincial Mobile Force Company, Ilocos Sur Provincial Intelligence Unit at Cabugao Maritime Police Precinct.
Ayon kay PMaj Maggay, naaresto ang suspek sa bisa ng Warrant of Arrest sa kasong Homicide na may kaukulang piyansa na Php120,000.
Ang matagumpay na pagkakaaresto sa suspek ay tanda ng epektibong pagganap ng mga miyembro ng Philippine National Police ng kanilang mga tungkulin upang mabigyan ang mga mamamayan ng mas ligtas at mas payapang komunidad.
Source: Cabugao Municipal Police Station
Panulat ni PSSg Bader Ceasar B. Ayco
