Arestado ang isang lalaking wanted sa kasong Frustrated Murder sa operasyon ng pulisya ng City of San Fernando Police Station sa Zone 5, Sogod, Southern Leyte, nito lamang ika-17 ng Enero, 2025.
Kinilala ang suspek na si alyas “Virgilio”, 49 anyos, isang laborer, residente ng Zone 5, Sogod, Southern Leyte.
Ang suspek ay inaresto sa bisa ng Alias Warrant of Arrest laban sa kanya na may kaugnayan sa kasong Frustrated Murder na may inirekomendang piyansa na Php200,000.
Matapos ang pag-aresto, dinala ang suspek sa City Health Office para sa medikal na pagsusuri bago siya dinala sa City of San Fernando Police Station para sa dokumentasyon at tamang disposisyon.
Ang pagkakaaresto sa suspek ay isang patunay ng patuloy na pagsusumikap ng mga lokal na awtoridad na tiyakin ang kaligtasan at kaayusan ng komunidad, at ang mahigpit na pagpapatupad ng mga legal na utos sa buong rehiyon.
Source: San Fernando CPS
Panulat ni PSSg Marvin Jake Romero
