Luna, La Union – Arestado ang isang Wanted Person sa kasong Frustrated Murder sa operasyon ng PRO 1 nitong Lunes, Hunyo 27, 2022.
Kinilala ni Police Major Ronald Allan A Rupisan, Officer-in-Charge ng Luna Municipal Police Station, ang suspek na si Alexander Divina y Abella, 64, residente ng Brgy. Darigayos, Luna, La Union.
Ayon kay PMaj. Rupisan, bandang 9:45 ng umaga nang naaresto ang suspek sa nasabing barangay ng pinagsanib na puwersa ng Luna Municipal Police Station, La Union Provincial Intelligence Unit, 1st La Union Provincial Mobile Force Company, 103rd Maneuver Company Regional Mobile Force Battalion 1.
Ayon pa kay PMaj Rupisan, naaresto ang suspek sa bisa ng Warrant of Arrest sa kasong Frustrated Murder na may rekomendadong piyansa na Php200,000.
Ang Pambansang Pulisya ay hindi titigil sa kampanya laban sa pagsugpo sa kriminalidad para sa kaligtasan ng mamamayan at ng bansa.
Source: Luna Municipal Police Station
###
Panulat ni Patrolman Joshua A Jimenez
