Naaresto ng pulisya ang isang Wanted Person sa kasong Frustrated Murder sa Barangay Buntay, Tanauan, Leyte nito lamang ika-13 ng Hulyo 2024.
Kinilala ni Police Captain Kemy G Bas, Acting Chief of Police ng Tanauan Municipal Police Station, ang nadakip na si alyas “Ian”, 25 anyos, construction worker at residente ng Barangay Maribi, Tanauan, Leyte.
Bandang 9:41 ng umaga nang maaresto ang suspek ng mga operatiba ng Tanauan Municipal Police Station sa bisa ng Warrant of Arrest para sa kasong Frustrated Murder na may inirekomendang piyansa na Php200,000 para sa kanyang pansamantalang kalayaan.
Ang Pambansang Pulisya ay mas pinaigting pa ang kampanya laban sa iba’t ibang klase ng krimen at mapanagot ang mga nagkasala sa batas upang mapanatili ang maayos at ligtas na Bagong Pilipinas.
Panulat ni Patrolwoman Maurene A Kiaki
