Arestado ang isang Wanted Person sa kasong Frustrated Murder sa ikinasang Oplan Pagtugis at Oplan Panlalansag – Omega ng mga operatiba ng Criminal Investigation and Detection Group Regional Field Unit Bangsamoro Autonomous Region sa Poblacion, Datu Paglas, Maguindanao Del Sur noong ika-20 ng Marso 2024.
Kinilala ni Police Lieutenant Colonel Ariel T Huesca, Chief ng CIDG RFU BAR, ang suspek na si alyas “Allan”, 46, fish vendor at residente ng nasabing lugar.
Naaresto ang suspek ng pinagsanib operatiba ng CIDG RFU BAR katuwang ang Regional Special Operations Team – Regional Field Unit BAR, CIDG Maguindanao Provincial Field Unit, Datu Paglas Municipal Police Station at Maguindanao del Sur PPO sa bisa ng Warrant of Arrest sa kasong Frustrated Murder.
Nakumpiska rin mula sa suspek ang isang yunit ng calibre 45 pistol armscor, isang piraso ng magasin at siyam na piraso ng bala ng calibre 45.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad na naaayon sa mga programa ni Pangulong Ferdinand R. Marcos Jr. na magkaroon ng maunlad na bansa para sa sambayanang Pilipino tungo sa isang Bagong Pilipinas.
Panulat ni Pat Ma. Señora Agbuya
