Himas rehas ang isang lalaking Wanted Person na may kasong Frustrated Homicide matapos mapasakamay ng mga awtoridad sa Barangay Hindang, Julita, Leyte nito lamang Agosto 09, 2024.
Kinilala ni Police Captain Melvin T Malate, Acting Chief of Police ng Dagami Municipal Police Station, ang suspek na si alyas “Adong”, 43 anyos, magsasaka at residente ng Barangay Cabuloran, Dagami, Leyte.
Bandang 5:00 ng madaling araw ng maaresto ang suspek ng mga tauhan ng Dagami Municipal Police Station sa koordinasyon sa Julita Municipal Police Station sa bisa ng Warrant of Arrest para sa kasong Frustrated Homicide na may piyansa na Php72,000 para sa kaniyang pansamantalang kalayaan.
Ang Pambansang Pulisya ng Pilipinas ay mas pinaigting ang paghuli sa mga taong may pananagutan sa batas upang mapanatili ang kaayusan at kapayapaan sa ating bansa tungo sa minimithi natin na Bagong Pilipinas.
Panulat ni Patrolwoman Ma. Elena B Singian
