Arestado ng Villasis PNP ang isang Most Wanted Person sa kasong Estafa sa Zone 7 Barangay San Nicolas, Villasis, Pangasinan nito lamang Lunes ika-29 ng Hulyo 2024.
Kinilala ni Police Major Edgar Allan G Serq̃uina, Officer-In-Charge ng Villasis Municipal Police Station, ang suspek na si alyas “Ruce”, 49 taong gulang, residente ng Zone 7 Barangay San Nicolas, Villasis, Pangasinan.
Ayon pa kay Police Major Serq̃uina, naaresto ang suspek dakong 7:10 ng gabi sa bisa ng Warrant of Arrest at mayroong piyansang Php18,000.
Ang Villasis PNP ay patuloy sa pagsasagawa ng operasyon laban sa mga taong may pananagutan sa batas upang mapanatiling ligtas, tahimik, at maayos ang komunidad.
Source: Villasis Municipal Police Station
Panulat ni Patrolman Dennis P Carinal
