Arestado ng mga tauhan ng Polanco Municipal Police Station ang isang lalaki na may kasong Carnapping sa Barangay Poblacion North, Polanco, Zamboanga del Norte nito lamang Hunyo 14, 2024.
Kinilala ni Police Major Clark G Bacolod, Chief of Police ng Polanco MPS, ang suspek na isang 34 anyos, lalaki, walang asawa at residente ng Barangay Ilaya, Dapitan City, Zamboanga del Norte.
Bandang 1:48 ng hapon nang naaresto ang suspek sa bisa ng Warrant of Arrest sa kasong paglabag sa Republic Act 6539 o ang Anti-Carnapping Act of 1972.
Makakaasa ang taong bayan na patuloy na gagampanan ng PNP ang mandato na tugisin at hulihin ang mga taong may pananagutan sa batas nang sa gayon ay maging ligtas ang komunidad tungo sa pagsulong ng Bagong Pilipinas.
Panulat ni Patrolwoman Joyce Franco
