Sumilao, Bukidnon – Arestado ang Wanted Person sa kasong Attempted Murder sa isinagawang operasyon ng Sumilao PNP nito lamang Sabado, Abril 23, 2022.
Kinilala ni Police Lieutenant Sunday Apan, Officer-in-Charge ng Sumilao Municipal Police Station, ang naarestong suspek na si Jerwin Hubayan, 30, banana plantation worker at residente ng Purok-5A, Lower Laruk, Barangay Kisolon, Sumilao, Bukidnon.
Ayon kay PLt Apan, bandang 8:30 ng umaga naaresto si Hubayan sa Sitio Kilaog, Barangay Poblacion, Sumilao, Bukidnon ng mga operatiba ng Sumilao Municipal Police Station sa bisa ng Warrant of Arrest sa kasong Attempted Murder na may rekomendadong piyansa na Php120,000.
Ang Bukidnon PNP ay patuloy na tutugisin at ilagay sa likod ng rehas ang mga taong lalabag sa batas upang mapanatiling payapa at ligtas ang probinsya ng Bukidnon.
Source: Sumilao Municipal Police Station
###
Panulat ni Edwin Baris/RPCADU 10
