Davao Del Norte – Arestado ang isang wanted person sa patuloy na isinasagawang Manhunt Charlie Operation ng PNP sa Brgy. Palma Gil, Talaingod, Davao Del Norte, noong Hunyo 14, 2023.
Kinilala ni Police Captain Collin Rama, Officer-In-Charge ng Talaingod Municipal Police Station, ang suspek na si alyas “MJ”, 21, residente ng nasabing lugar at kabilang sa mga wanted person sa Rehiyon Onse.
Ayon kay PCpt Rama, inaresto ang suspek ng pinagsamang tauhan ng Talaingod MPS at Provincial Intelligence Unit 11 sa bisa ng Warrant of Arrest sa kasong Attempted Murder.
Nagpaalala naman si PCpt Rama na huwag matakot tumawag o magpunta sa kanilang tanggapan na magsumbong upang mahuli ang mga lumalabag sa batas.
Panulat ni Patrolman Alfred Vergara
