Olongapo City – Arestado ang isang wanted person sa kasong Acts of Lasciviousness kaugnay sa RA 7610 sa isinagawang manhunt operation ng Olongapo City PNP nitong ika-11 ng Hulyo 2022.
Kinilala ni Police Colonel Carlito Udani Grijaldo, Acting City Director ng Olongapo City Police Station, ang suspek na si Randy Mariano y Mizal, 44, residente ng No. 1394 Tabacuhan, Sta. Rita, Olongapo City.
Ayon kay PCol Grijaldo, naaresto ang suspek bandang 10:38 ng umaga sa Maalalahanin St., Fiesta Homes, Barangay Del Pilar, Castillejos, Zambales ng pinagsanib na puwersa ng City Intelligence Unit, City Mobile Force Company, Police Station-1 Olongapo City Police Office at Police Station-5 OCPO.
Ayon pa kay PCol Grijaldo, naaresto ang suspek sa bisa ng Warrant of Arrest sa kasong Acts of Lasciviousness kaugnay sa RA 7610 o Special Protection of Children Against Abuse, Exploitation and Discrimination Act na may nirekomendang piyansa na Php400,000.
Ang pagkakaaresto sa suspek ay bunga ng pakikiisa ng mga mamamayan sa adhikain ng PNP na mahuli ang mga wanted persons upang mapanagot sila sa mga krimeng ginawa.
Source: Olongapo City Police Station
###
Panulat ni Patrolwoman Hazel Rose Bacarisa
