Ilocos Sur – Arestado ng Suyo Municipal Police Station ang isang Wanted Person na may kasong Acts of Lasciviousness sa Brgy. Baringcucurong, Suyo, Ilocos Sur nito lamang ika-11 ng Setyembre 2023.
Kinilala ni Police Captain Godofredo Ribuyaco, Hepe ng Suyo MPS, ang suspek na si Bobby Tamang Fabro a.k.a Bening, 56, residente ng Brgy. Baringcucurong, Suyo, Ilocos Sur.
Ayon kay PCpt Ribuyaco, bandang 8:00 ng hapon nang naaresto ang suspek ng mga operatiba ng Suyo Police Station, katuwang ang Ilocos Sur Provincial Intelligence Unit at Sigay Municipal Police Station.
Dagdag pa ni PCpt Ribuyaco, naaresto ang suspek sa bisa ng Alias Warrant of Arrest sa kasong Acts of Lasciviousness under Art. 336 of the RPC in relation to section 5 (B) of R.A. 7610 na may rekomendadong piyansa na Php180,000.
Naging matagumpay ang operasyon ng PNP dahil sa patuloy na pakikipagtulungan ng mga mamamayan sa pagpapaigting ng kampanya laban sa mga taong may pananagutan sa batas para sa tahimik at ligtas na pamayanan.
Source: Suyo MPS
Panulat ni PSSg Carmela G Danguecan
