Bautista, Pangasinan – Arestado ang isang Wanted Person sa kasong Acts of Lasciviousness kaugnay sa RA 7610 ng Bautista PNP nito lamang Lunes, Ika-19 ng Setyembre 2022.
Kinilala ni Police Captain Peter D Escosio, Officer-In-Charge ng Bautista Police Station, ang suspek na si Randy Pascua y Balimbim, 39, at residente ng Brgy. Palisoc, Bautista, Pangasinan.
Ayon kay PCpt Escosio, naaresto ang suspek bandang 10:19 ng umaga sa Brgy. Palisoc, Bautista, Pangasinan na pinapangunahan ng Bautista Police Station, Provincial Intelligence Unit Pangasinan at Regional Intelligence Division Police Regional Office 1.
Ayon pa kay PCpt Escosio, naaresto ang suspek sa bisa ng Warrant of Arrest sa kasong Acts of Lasciviousness kaugnay sa RA 7610 o Special Protection of Children Against Abuse, Exploitation and Discrimination Act na may inirekomendang piyansa na Php200,000.
Ang pagkakaaresto sa suspek ay bunga ng pakikiisa ng mga mamamayan sa adhikain ng PNP na mahuli ang mga wanted persons upang mapanagot sila sa mga krimeng ginawa at masiguro ang kaligtasan ng bawat mamamayan sa komunidad.
Source: Bautista Police Station
Panulat ni Patrolman Joshua A Jimenez
