Luna, Apayao – Arestado ng Apayao PNP ang isang wanted person sa kasong 2 Counts of Rape sa Luna, Apayao nito lamang Biyernes, Mayo 20, 2022.
Ayon kay Police Colonel Reynaldo Ogay Jr., Provincial Director ng Apayao Police Provincial Office, nagtangka ang suspek na kumuha ng police clearance sa Luna Municipal Police Station at doon ay lumabas sa kanyang record ang nakabinbin na Warrant of Arrest.
Ayon pa kay PCol Ogay, agad inaresto ng mga tauhan ng Luna MPS ang suspek nang makumpirma sa pamamagitan ng e-warrant system ang kanyang kasong 2 Counts of Rape na walang rekomendadong piyansa.
Ang Apayao PNP ay patuloy sa pagpapaigting ng kanilang kampanya kontra kriminalidad upang tiyakin na ligtas at payapa ang mga lugar at mamamayan na kanilang nasasakupan.
Source: https://m.facebook.com/story.php?story_fbid=1940896269435531&id=100005455306500
###
Panulat ni Patrolman Josua Reyes
