Pangasinan – Timbog ang isang Wanted Person ng Urdaneta City sa operasyon ng pulisya sa Brgy. Nancayasan, Pangasinan nito lamang ika-1 ng Nobyembre 2023.
Kinilala ni Police Lieutenant Colonel Keith Calub, Hepe ng Urdaneta City PNP, ang suspek na si Renan Ramos Corpuz, 36 at residente ng Gracia Village, Brgy. Nancayasan, Pangasinan.
Naaresto ang suspek bandang 9:55 ng umaga ng pinagsamang pwersa ng Urdaneta City PNP bilang lead unit, Regional Intelligence Division – Police Regional Office 1, at Provincial Intelligence Unit – Pangasinan Police Provincial Office.
Ayon kay PLtCol Calub, nahaharap ang suspek sa kasong Robbery na may rekomendadong piyansa na Php72,000.
Ang operasyon ng Urdaneta City PNP ay naging matagumpay dahil sa pakikipagtulungan ng mamamayan upang mapaigting ang kampanya kontra kriminalidad at mapanagot ang mga taong may sala sa batas.
Source: Urdaneta City Police Station
Panulat ni Pat. Viljon Anthony A. Comilang
