Arestado ng Tacloban City PNP ang isang lalaking Wanted sa kasong paglabag sa Republic Act 9165 sa Barangay 93 Bagacay Dreamville Village CRS, Tacloban City nito lamang ika-26 ng Agosto 2024.
Kinilala ni Police Captain Denver E Gabitan, Officer-In-Charge ng Tacloban City Police Station 2, ang suspek na si alyas “John”, 24 anyos, construction worker at residente ng Barangay 93 Bagacay Dreamville CRS, Tacloban City.
Naaresto ang suspek bandang 1:00 ng hapon ng mga tauhan ng Tacloban City Police Station 2 sa bisa ng Warrant of Arrest sa kasong paglabag sa Section 5 at 11 article II ng RA 9165 o “Comprehensive Dangerous Drugs Act of 2002” na walang piyansa.
Ang tagumpay ng PNP laban sa mga may pananagutan sa batas ay bunga ng pinaigting na pakikipagtulungan at suporta ng mamamayan para mapanatilihing payapa at maayos ang komunidad. Dahil sa Bagong Pilipinas ang gusto ng pulis ligtas ka!.
Panulat ni Patrolwoman Ma. Elena B Singian
