Himas rehas ngayon ang isang Wanted Person na may kasong illegal Possession of Firearms sa operasyon ng Lala Municipal Police Station sa Purok 3 Lanipao, Lala, Lanao del Norte nitong Abril 24, 2024.
Kinilala ni Police Major Ronald Angelo H Rivel, Officer-In-Charge ng Lala MPS, ang naarestong suspek na si alyas “Lyndon”, 29, at residente ng Salvador, Lanao del Norte.
Ayon kay PMaj Hivel, naaresto ang suspek bandang 2:15 ng madaling araw sa bisa ng Warrant of Arrest sa kasong Illegal Possession of Firearms na walang piyansa.
Samantala, ang laban kontra kriminalidad ay patuloy na pinapaigting ng Police Regional Office 10 sa pamumuno ni Regional Director Police Brigadier General Ricardo G Layug Jr alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
