Arestado ang isang wanted person sa kasong paglabag sa Republic Act 9165 sa Barangay San Miguel, Iligan City nito lamang ika-17 ng Disyembre 2024.
Ang naturang operasyon ay pinangunahan ni Police Major Rodulfo B Arañador Jr, Officer-In-Charge ng Iligan City Police Station 3 katuwang ang tracker team ng naturang istasyon.
Bandang 2:49 ng hapon ikinasa ang operasyon na nagresulta sa pagkakaaresto ng isang alyas “Inday”, 50 anyos, may asawa, residente ng Purok 5-G IBVV, Paitan, Barangay Dalipuga, Iligan City.
Nahuli ang suspek sa bisa ng Warrant of Arrest sa kasong paglabag sa Republic Act 9165 o “Comprehensive Dangerous Drugs Act of 2002”.
Patunay lamang na ang PNP ay patuloy sa pagpapaigting kontra ilegal na droga para sa seguridad at kaligtasan ng komunidad.
