Oriental Mindoro – Arestado ang isang Wanted Person sa isinagawang operasyon ng mga tauhan ng Naujan Municipal Police Station sa Sitio Bagong Pook, Brgy. Poblacion, Baco, Oriental Mindoro noong ika-25 ng Enero 2023.
Kinilala ni Police Captain Ermin Cabanding, Officer-In-Charge ng Baco MPS, ang suspek na may alyas na “May-ann”, residente ng Brgy. Poblacion, Baco, Oriental Mindoro.
Ayon kay PCpt Cabanding, naaresto ang suspek sa isinagawang operasyon ng Baco MPS sa bisa ng Warrant of Arrest dahil sa paglabag sa kasong Swindling (Estafa under Art. 315 as amended by PD 1689 in Relation to Section 6, Chapter II of R.A. 10175 (Cybercrime Prevention Act of 2012) na may inirekomendang piyansa na Php20,000.
Ang ating PNP ay hindi titigil sa paglaban sa mga may pagkakasala sa batas at iba pang ilegal na aktibidad para manatiling ligtas at maayos ang komunidad.
Panulat ni Patrolman Erwin Calaus
