Puerto Galera – Timbog ang isang Wanted Person sa isinagawang operasyon ng Puerto Galera Municipal Police Station sa Brgy. Poblacion, Puerto Galera, Oriental Mindoro nito lamang ika-21 ng Oktubre 2022.
Kinilala ni Police Captain Kim Badillo, Officer-In-Charge ng Puerto Galera MPS, ang suspek na may alyas na “Juan”, estudyante, 19, at residente ng Sitio Hundura, Brgy. Poblacion, Puerto Galera, Oriental Mindoro.
Ayon kay PCpt Badillo, naaresto ang suspek sa isinagawang operasyon ng mga tauhan ng Puerto Galera MPS sa bisa ng Warrant of Arrest para sa kasong paglabag sa Republic Act 7610 o “Special Protection of Children against Abuse, Exploitation and Discrimination Act”.
Ang Pambansang Pulisya ay hindi titigil sa kampanya laban sa pagsugpo sa kriminalidad, droga at terorismo para sa kaligtasan ng mamamayan at ng bansa.
Source: Puerto Galera Mps
Panulat ni Patrolman Erwin Calaus
