Don Carlos, Bukidnon – Arestado ang isang wanted person sa kasong paglabag sa RA 9262 ng Bukidnon PNP nito lamang Linggo, June 19, 2022.
Kinilala ni Police Colonel Jun Mark Lagare, Provincial Director ng Bukidnon Police Provincial Office, ang naarestong suspek na si Len Nichol Talines Morales, 27, residente ng P-4 North Poblacion, Don Carlos, Bukidnon.
Ayon kay PCol Lagare, nadakip ang suspek bandang 10:35 ng gabi sa Purok 1, Brgy. Poblacion, Don Carlos Bukidnon ng mga operatiba ng 2nd Bukidnon Provincial Mobile Force Company, City Mobile Force Company at Don Carlos Municipal Police Station.
Ayon pa kay PCol Lagare, naaresto ang suspek sa bisa ng Warrant of Arrest sa kasong paglabag sa RA 9262 o Anti-Violence against Women and their Children Act of 2004 na may rekomendadong piyansa na Php200,000.
Nagpahayag ng papuri si PCol Lagare sa mga rumespondeng tauhan ng Bukidnon PNP para sa mahusay na trabaho at walang humpay na pagsisikap na ilagay sa likod ng rehas ang may sala sa batas.
###
Panulat ni Patrolman Jomhel Tan/RPCADU 10
