Manolo Fortich, Bukidnon – Arestado ang isang indibidwal sa paglabag sa kasong paglabag sa RA 9165 o Comprehensive Dangerous Drugs Act of 2002 nito lamang Hulyo 9, 2022.
Kinilala ni Police Major Carlito Ravelo Chua Jr., Officer-in-Charge ng Manolo Fortich Municipal Police Station, ang naarestong suspek na si Joey Demetrio y Pagutayao, 45, residente ng Camp Phillips, Brgy. Agusan Canyon, Manolo Fortich, Bukidnon.
Ayon kay PMaj Chua, nadakip ang suspek bandang 11:30 ng umaga sa PCH 1, Brgy. Damilag, Manolo Fortich, Bukidnon ng mga operatiba ng Manolo Fortich Municipal Police Station at Bukidnon Provicial Intelligence Unit sa bisa ng Warrant of Arrest para sa kasong paglabag sa RA 9165 o Comprehensive Dangerous Drugs Act of 2002 at walang rekomendadong piyansa.
Ang PNP ay patuloy sa mandato na hulihin ang mga taong may pananagutan sa batas.
###
Panulat ni Patrolman Jomhel Tan/RPCADU 10
