Arestado ang isang wanted person sa isinagawang law enforcement operation ng mga miyembro ng Tungawan Municipal Police Station katuwang ang Zamboanga City Police Station 3 sa Purok 5 Upper Tungawan, Zamboanga Sibugay nito lamang ika- 01 ng Agosto 2024.
Kinilala ni Police Major Christopher A Sinson Acting Chief of Police ng Tungawan MPS, ang naarestong suspek na si alyas “Rey”, 56 anyos, lalaki, may asawa, magsasaka at residente ng naturang lugar.
Mahaharap ang suspek sa kasong Frustrated Homicide sa ilalim ng criminal case number 5338.
Patunay lamang na ang Pambansang Pulisya ng Pilipinas katuwang ang ibang ahensya ng pamahalaan ay hindi nagpapabaya sa sinumpaang tungkulin na hulihin ang mga taong tiwalag sa batas, mapanatiling ligtas ang komunidad, at ipatupad ang kapayapaan ng bansa para sa umuunlad na Bagong Pilipinas.
Panulat ni Patrolwoman Joyce Franco
