Burgos, La Union – Arestado ng PNP ang isang wanted person na may kasong 2 Counts of Lascivious Conduct at Unjust Vexation nitong Sabado, Hunyo 18, 2022.
Kinilala ni PMaj Crispin Simon Jr., Hepe ng Burgos Municipal Police Station, ang suspek na si June Emuslan y Sumakey, 42, residente ng Upper Tumapoc, Burgos, La Union.
Ayon kay PMaj Simon, naaresto si Emuslan sa nasabing lugar sa bisa ng Warrant of Arrest ng mga tauhan ng Burgos MPS, Regional Mobile Force Battalion 1, Provincial Intelligence Unit, La Union Police Provincial Office at Sablan MPS, at Benguet Police Provincial Office.
Ang matagumpay na pagkakahuli sa suspek ay bunga ng magandang ugnayan, kooperasyon at pakikiisa ng mamamayan sa mga programa ng PNP tulad ng LOI Manhunt Charlie na kung saan nakasaad na ang pinakamabisang paraan ng pagsugpo sa kriminalidad ay ang pagkakaaresto at pagkakahatol ng mga kriminal.
Source: Burgos MPS
###
Panulat ni PSSg Bader Ceasar B. Ayco
