Pangasinan – Arestado ang isang Wanted Person sa ikinasang Manhunt Charlie Operation ng mga operatiba ng Santa Maria Municipal Police Station ng Pangasinan Police Provincial Office nitong Biyernes, ika-16 ng Hunyo, 2023.
Kinilala ni Police Captain Landro Velasquez, Hepe ng Sta. Maria Municipal Police Station, ang suspek na si Eduardo Dronio Pachoca Jr., 32, residente ng Brgy. Sta. Rosa Sta. Maria, Pangasinan.
Ayon kay PCpt Velasquez, naaresto ang suspek sa bisa ng Warrant of Arrest sa kasong Reckless Imprudence Resulting in Homicide, Physical Injury and Damage to Property na may inirekomendang piyansa na Php60,000.
Ayon pa kay PCpt Velasquez, naaresto ang suspek bandang 11:35 ng umaga sa Brgy. San Pablo, Sta. Maria, Pangasinan ng mga tauhan ng Sta. Maria Municipal Police Station.
Ang matagumpay na pagkakaaresto sa suspek ay tanda ng epektibong pagganap ng mga miyembro ng Pambansang Pulisya ng Pilipinas ng kanilang mga tungkulin upang maibigay sa mamamayan ang hangaring ligtas at payapang komunidad.
Source: Sta. Maria Municipal Police Station
Panulat ni PSSg Bader Ceasar Ayco
