President Roxas, Cotabato – Naaresto ng mga tauhan ng President Roxas Municipal Police Station ang Wanted Person sa kasong Rape nito lamang ika-2 ng Hulyo 2022.
Kinilala ni PMaj Mautin Pangandigan, Acting Chief of Police ng President Roxas Municipal Police Station, ang suspek na si Welmer Judilla Condez alias “Nonoy”, 53, may asawa, magsasaka, residente ng Purok 2 Barangay Del Carmen, President Roxas, Cotabato.
Ayon pa kay PMaj Pangandigan, may natanggap silang ulat mula sa concerned citizen kung saan nakatira si Nonoy. Agad namang nagtungo ang tracker team ng Roxas MPS kasama ang North Cotabato Highway Patrol Group sa iniulat na lugar na nagresulta sa pagkaaresto ni Nonoy.
Si Nonoy ay naaresto sa bisa ng Warrant of Arrest sa kasong 2 Counts of Rape (RPC Art. 266-A).
Ang PNP ay hinihikayat ang patuloy na pakikipagtulungan at pagsuporta ng mamamayan upang mapanatiling ligtas at maayos ang komunidad.
Source: President Roxas Municipal Police Station
###
Panulat ni Patrolwoman Sherie-ann Masi
