Arestado ng mga awtoridad ang isang lalaking Wanted Person sa paglabag sa Republic Act 9262 sa Barangay Liloan, Ormoc City nito lamang ika-08 ng Hunyo 2025.
Kinilala ni Police Major Omar Roel B Cartalla, Station Commander ng Ormoc City Police Station 3, ang suspek na si alyas “Rey”, 30 anyos at residente ng Barangay Liloan, Ormoc City.
Naaresto ang suspek bandang 2:45 ng hapon ng mga tauhan ng Ormoc City Police Station 3 sa bisa ng Warrant of Arrest para sa kasong paglabag sa Section 5 (A) ng RA 9262 o “Anti-Violence Against Women and their Children Act of 2004” na may inirekomendang piyansa na Php72,000 para sa pansamantalang kalayaan.
Ang Pambansang Pulisya ay patuloy sa pagpapatupad sa kanilang sinumpaang tungkulin na hulihin ang mga taong tiwalag sa batas upang mapanatili ang maayos at maunlad na Bagong Pilipinas.
