Mansalay, Oriental Mindoro – Arestado ang isang Wanted Person sa isinagawang operasyon ng Mansalay Municipal Police Station sa Mansalay, Oriental Mindoro noong ika-2 ng Nobyembre 2022.
Kinilala ni Police Major Joel Saguid, Acting Chief of Police ng Mansalay MPS, ang suspek na si alyas “Robert”, residente ng Sitio Landing 2, Barangay B. Del Mundo Mansalay, Oriental Mindoro.
Ayon kay PMaj Saguid, naaresto ang suspek sa isinagawang operasyon ng pinagsanib na puwersa ng mga tauhan ng Mansalay MPS, Provincial Intelligence Unit Oriental Mindoro, 3rd Platoon, 2nd Oriental Mindoro Provincial Mobile Force Company.
Ayon kay PMaj Saguid, naaresto ang suspek sa bisa ng Warrant of Arrest sa kasong paglabag sa R.A. 9262 o ang Anti-Violence Against Women and their Children Act of 2002 na may kaukulang piyansa na Php72,000.
Ang Pambansang Pulisya ay hindi titigil sa kampanya laban sa pagsugpo sa kriminalidad, droga at terorismo para sa kaligtasan ng mamamayan at ng bansa.
Source: Mansalay MPS
Panulat ni Patrolman Erwin Calaus
