Arestado ng mga operatiba ng Iligan City PNP ang isang wanted person sa isinagawang operayson sa Purok 4, Brgy. Upper Hinaplanon, Iligan City nito lamang Setyembre 26, 2024.
Ang naturang operasyon ay pinangunahan ni Police Captain Charlie Nem D Tano, Deputy Station Commander, Iligan City Police Station 1, katuwang ang mga tracker team ng nasabing istasyon at Iligan City Mobile Force Company.
Ayon kay PCpt Tano, bandang 6:35 ng gabi ikinasa ang operasyon na nagresulta sa pagkakaaresto kay alyas “Binoy” 35 taong gulang, may asawa, residente ng nasabing lugar.
Ang nasabing suspek ay may nakabinbing kaso sa paglabag sa RA 7610 o “Act of Lasciviousness”.
Ang pagkakaaresto ng suspek ay isang hakbang ng PNP upang matiyak na ang biktima ay makakatanggap ng hustisya at protektahan ang komunidad laban sa anumang uri ng kriminalidad, terorismo at insurhensya na balakid sa pagkamit na kaunlaran at kapayapaan sa ating bayan.
