Inaresto ng CARAGA PNP ang suspek na sangkot sa insidente ng pamamaril noon pang May 2015.
Kinilala ang suspek na si Cerilo Arimase Jugasan, 60 taong gulang, isang magsasaka.
Si Jugasan ang pangunahing suspek sa pamamaril kay Ernesto Campos Pelong sa Purok 5, Sitio Opao, Barangay Las Navas ng Prosperidad, Agusan del Sur.
Base sa report ng Prosperidad Municipal Police Station (MPS), tinakot ng biktima ang suspek gamit ang baril. Makalipas ang ilang araw, gumanti ang suspek at pinatay ang biktima.
Sa bisa ng Warrant of Arrest, inaresto ng Regional Intelligence Division (RID) kasama ang Prosperidad MPS at Crime Investigation and Detection Group (CIDG) Provincial Field Unit-Agusan del Sur ang suspek matapos magtago sa batas ng anim (6) na taon.
Dagdag dito, isinilbi rin laban sa suspek ang Warrant of Arrest para sa kasong paglabag sa Republic Act 9516 o Illegal Possession of Explosives.
Noong Pebrero 26, 2018, inihain ng CIDG-Agusan Del Sur ang Search Warrant laban kay Jugasan at nadiskubre ng mga otoridad ang isang M203 grenade launcher.
###
Panulat ni: Police Corporal Josephine T Blanche
