Agarang ipinasibak sa serbisyo ni Police Brigadier General Paul Kenneth T Lucas ang walong pulis na sangkot sa iba’t ibang uri ng krimen habang nagsasagawa ng police operation sa Purok Masagana, Barangay Ransohan, Lucena City nito lamang ika-24 ng Mayo 2024.
Ayon sa isinagawang imbestigasyon, kinilala ang mga biktima na sina Ms. Renelyn Torres Rianzales at Armando Cubos Paderon na agarang nagsumbong sa Lucena Police Station sa nangyaring sapilitang pagpasok ng mga kapulisan sa kanilang tahanan sa nasabing barangay.
Kasalukuyang nasa Regional Headquarters Holding Accounting Section (RPHAS) para sa mahigpit na pagbabantay sa mga sangkot sa nasabing krimen at nahaharap sa kasong Violation of Domicile, Grave Threats at Unjust Vexation.
Ang pagkundina ng kapulisan ng CALABARZON ay isang hakbang upang mapanatili ang integridad at tiwala ng publiko sa organisasyon. Ang paninindigan na hindi kailanman palalagpasin ang mga ilegal na gawain ng kapulisan.
