Catanduanes – Nagsagawa ng Mangrove Tree Planting ang mga tauhan ng Virac Municipal Police Station sa Barangay Magnesia del Sur, Virac, Catanduanes nito lamang ika-30 ng Enero 2023.
Naging matagumpay ang naturang aktibidad sa aktibong pakikiisa ng mga Opisyales ng Barangay Magnesia del Sur, Kabataan Kontra Droga at Terorismo at Tau Gamma Phi Fraternity Virac Chapter.
Layunin ng aktibidad na protektahan at pagyamanin ang likas na yamang dagat dahil ang mga bakawan ang nagsisilbing tirahan ng mga nabubuhay na yamang dagat at napapanatili nito ang malinis na kalidad ng tubig ng karagatan.
Ang Pambansang Pulisya ay hindi lamang maglilingkod sa pagpapanatili ng kaayusan, katahimikan at kapayapaan sa ating bansa kundi pinapahalagahan at pinapangalagaan din nito ang ating inang kalikasan na nakapaloob sa PNP Core Values na “Makakalikasan”.
Source: Virac Mps Catppo
