Lipa City, Batangas – Nahukay ng isang lolo ang isang vintage bomb sa Brgy. San Isidro, Lipa City, Batangas nito lamang Biyernes, Hulyo 8, 2022.
Napag-alaman ni Police Lieutenant Colonel Rix Villareal, Chief of Police ng Lipa City Police Station, bandang 5:00 ng umaga nadiskubre ni Francisco Isaga y Osmillo, 82, ang naturang bomba habang naghuhukay sa isang bakanteng lote sa naturang lugar.
Ayon kay PLtCol Villareal, agad humingi ng tulong si Lolo sa barangay opisyal na agad naman tumawag sa Lipa CPS para sa tamang disposisyon ng vintage bomb.
Agad naman na sumaklolo ang mga tauhan ng Provincial Explosive and Canine Unit ng Tanauan PNP Explosive Ordnance Division (EOD) K9 Unit upang ligtas na maiangat ang vintage bomb na natukoy na isang 81 mm high explosive (UXO).
Hinihikayat ng PNP na ipagbigay alam agad sa awtoridad ang mga ganitong kaganapan at upang maiwasan ang mamamayan sa tiyak na kapahamakan.
###
Panulat ni Police Executive Master Sergeant Joe Peter Cabugon
