General Santos City – Nagsagawa ng “Via Crucis” o mas kilala sa tawag na Way of the Cross ang Police Regional Office 12 Chaplain Service nito lamang ika-7 ng Abril 2023.
Sa pangunguna ni Police Brigadier General Jimili Macaraeg, Regional Director, kasama ang PRO 12 Chaplain service, kaugnay ng pagdiriwang ng Semana Santa sa St. Michael the Archangel Chapel, Brgy. Tambler, General Santos City at Sacred Heart of Jesus Chapel, Camp Fermin G Lira, General Santos City.
Ang mga istasyon ng Krus, na kilala rin bilang Daan ng Krus o Via Crucis, ay ginugunita ang pagdurusa at kamatayan ni Hesus sa krus.
Mayroong 14 na istasyon, na ang bawat isa ay naglalarawan ng sandali sa kanyang paglalakbay sa kalbaryo, kadalasan sa pamamagitan ng sagradong sining, mga panalangin, at pagmumuni-muni.
Ang prusisyon ay pinangunahan ng Regional Pastoral Officer bilang isa sa mga cross bearers. Mayroong 14 na debosyon o istasyon, ito ay nagsasalarawan sa huling araw ni Kristo, simula sa Kanyang paghatol.
Ang aktibidad ay nakaayon sa Core Values ng PNP ang MakaDiyos bilang suporta sa Spiritual Upliftment Program na naglalayong palakasin ang moral ng bawat PNP personnel.
Panulat ni Patrolman Jerrald Gallardo/RPCADU12
