Arestado ang isang vendor na tinaguriang Top 10 City Most Wanted Person para sa kasong Rape by Sexual Assault sa ikinasang operasyon ng mga otoridad sa Purok 9, Barangay Conel, General Santos City nito lamang Oktubre 24, 2024.
Kinilala ni Police Major Lemuel V Enrijo, Station Commander ng General Santos City Police Station 8, ang nahuling suspek na si alyas “Jasper”, 20 anyos, binata, vendor, at residente ng naturang lugar.
Ayon kay PMaj Enrijo, dinakip ang suspek dahil sa nakabinbin nitong Warrant of Arrest para sa kasong Rape by Sexual Assault na may rekomendadong pyansa na Php120,000.
Ang isinasagawang operasyon ng PNP ay bunga ng pinaigting na kampanya laban sa kriminalidad sa tulong at suporta na rin ng mga mamamayan para mapanatiling maayos, ligtas, at payapa ang komunidad.
