Camp Vicente Alagar, Cagayan de Oro City – Isinagawa ang Values Formation Program at KASIMBAYANAN o Kapulisan, Simbahan at Pamayanan ng Police Regional Office 10 sa RHQ Covered Court, Camp 1Lt Vicente G Alagar, Lapasan, Cagayan de Oro City nito lamang Martes, Setyembre 6, 2022.
Ito ay sa pangunguna ni Police Colonel Henry Dampal, Chief, Regional Community Affairs and Development Division 10; Non Uniformed Personnel Sheena Lyn Palconite, Team Leader, Regional Police Community Affairs and Development Unit 10 at Rev. Walter Richie III, Senior Pastor, Cagayan de Oro First Assembly of God Church.
Sa unang yugto ng programa ay nagkaroon ng praise and worship at pamamahagi ng salita ng Panginoon ng Cagayan de Oro First Assembly of God Church na pinangunahan ni Pastor Lamont Leonard.
Tinalakay ni NUP Palconite, ang peace at security framework ng Ama ng Pambansang Pulisya na si Police General Rodolfo S. Azurin Jr. ang M+K+K=K o ang Malasakit + Kapayapaan + Kaayusan = Kaunlaran at KASIMBAYANAN at PNP Internal Cleansing Strategy at Squad Weekly Interactive Meeting (SWIM).
Layunin ng programa na paigtingin ang ugnayan ng kapulisan, simbahan at pamayanan para sa isang maayos, mapayapa at maunlad na bansa.
Panulat ni Patrolman Edwin Baris/RPCADU 10
