Nagkaroon ng Showdown Inspection of Search and Rescue Equipment sa PRO2 Grandstand, Camp Marcelo A Adduru, Tuguegarao City, Cagayan nitong Biyernes, Mayo 26, 2023 bilang bahagi ng paghahanda sa pagdating ng super typhoon Mawar sa bansa.
Inalerto ni Police Brigadier General Percival Rumbaoa, Regional Director ng PRO2, ang buong kapulisan ng Rehiyon Dos upang masiguro ang kaligtasan ng mamamayan sa kanilang nasasakupan sa panahon ng kalamidad.
Bukod dito, nakabantay na rin ang karagdagagang pwersa ng 893 na mga kapulisan na may pagsasanay sa Search, Rescue and Retrieval Operations.
Patuloy din ang paalala ng buong hanay ng Pambansang Pulisya sa mga mamamayan na maging alerto, responsible at sumunod sa utos at payo ng mga otoridad upang masiguro ang kaligtasan ng bawat isa sa panahon ng bagyo.
Source: Police Regional Office 2
Panulat ni Police Corporal Carla Mae P Canapi
