Baggao, Cagayan – Agarang nagpaabot ng tulong ang Police Regional Office 2 sa mga nasalanta ng bagyong Florita sa Barangay San Taytay at Barangay San Isidro, Baggao, Cagayan nito lamang ika-24 ng Agosto 2022.
Pinangunahan ni PBGen Steve B Ludan, PRO2 Regional Director, kasama ang Baggao Police Station sa pamumuno ni PMaj Ronald M Balod, Officer-in-Charge at ilang opisyales ng naturang lugar ang pagbibigay ng ayuda sa dalawang magkaibang Barangay ng Baggao, Cagayan na lubhang naapektuhan ng bagyong Florita.
Ayon kay PBGen Ludan, matagumpay ang kahandaan ng Valley Cops sa rehiyon bilang paghahanda sa pananalasa ng bagyo, bagamat may mga naitalang pinsala partikular na sa bayan ng Baggao ay agad naman itong naisaayos sa pagsasagawa ng mga road clearing operations ng PNP maging sa iba’t ibang bayan sa Cagayan at Isabela.
Umabot naman sa 44 pamilya mula sa Barangay San Taytay at 27 pamilya mula naman sa Barangay San Isidro, Baggao, Cagayan ang napamahagian ng bigas at grocery packs.
Nagsagawa din ng feeding program ang Baggao Police Station sa 100 evacuees mula sa 82 na pamilya.
Lubos naman ang pasasalamat ng mga residente sa agarang tulong at pagbisita ng Regional Director PRO 2 sa kanilang bayan bilang pagpapakita ng malasakit ng PNP at alinsunod din sa program thrusts ni Chief, PNP.
Tiniyak naman ng Police Regional Office 2 na patuloy ang paghahatid serbisyo ng Valley Cops sa pagsasagawa ng relief operations at pagbibigay tulong sa mga residenteng lubhang naapektuhan ng bagyong Florita.
Source: Baggao PS
###
Panulat ni Police Corporal Jermae D Javier
