Dumalo sa isang Sunday Church Service ng Bible Christian Church si PCol Renell R Sabaldica, Provincial Director ng Cagayan, bilang pagpapakita ng magandang pakikipag-ugnayan sa kanyang nasasakupan, noong Oktubre 17, 2021 sa Bayan ng Aparri Cagayan.
Pinangunahan ni Pastor Remigio Requizo ang naturang Church Service.
Naging Guest Preacher naman ang Regional Coordinator ng My Brother’s Keeper na si Pastor Danny Punay.
Nagbahagi ng kanyang testimonya si PCol Sabaldica sa mga Pastor, mga kapulisan ng Aparri at mga miyembro ng simbahan na dumalo.
Ani ni PCol Sabaldica, “Ang pagseserbisyo at pagtulong sa kapwa ay isang paraan upang paglingkuran ang Maykapal”.
Bilang pangwakas ay nagsagawa si PD Cagayan ng pamamahagi ng food packs sa mga dumalo.
Nagmula ang mga food packs sa Greenhills Christian Fellowship Mercy Ministry sa pangunguna ni PMGen Benigno Durana Jr. (Ret) at PBGen Crizaldo Nieves (Ret.).
Ang Northern Luzon kabilang ang Lambak ng Cagayan ay hinagupit ng bagyong Maring at nag-iwan ng mga pinsala. Kaya’t ang relief operations na magmumula sa kapulisan katuwang ang mga stakeholders ay magpapatuloy upang tulungang bumangon ang mga kababayan nating nasalanta ng kalamidad.
#####
Article by Police Officer Carla Mae P Canapi
