Lucena City, Quezon – Matagumpay na naisagawa ang Unity Walk at Grand Duterte Legacy Caravan ng Quezon PNP sa Quezon Capitol Brgy. 10, Lucena City, Quezon nito lamang Linggo, Mayo 1, 2022.
Ang aktibidad ay pinangunahan ng Quezon Police Provincial Office sa pamumuno ni Police Colonel Joel Villanueva, Provincial Director, katulong at aktibong nakiisa at sumuporta ang Department of Interior and Local Government; Provincial Social Welfare and Development Office; Public Employment Service Office; Technical Education and Skill Development Authority; Department of Trade and Industry; Bureau of Jail Management and Penology; Armed Forces of the Philippines at Kabataan Kontra Droga at Terorismo kasabay sa pagdiwang ng Araw ng Manggagawa.
Ayon pa kay PCol Villanueva, layunin ng aktibidad na mapaabot ang serbisyo publiko na magsisilbing daan upang mas pagtibayin ang kulturang Bayanihan na sumasalamin sa ating pagkatao bilang Pilipino.
Namahagi rin ng mga food packs, libreng gupit, at libreng pedicure/manicure bilang pagbibigay pugay at pagkilala sa lahat ng mga magigiting na manggagawa.
“Ang Quezon PPO katuwang ang iba pang ahensya ay patuloy na magbibigay serbisyo upang maihatid sa bawat mamamayang Pilipino ang mas pinalawak at pinatibay na pampublikong serbisyo tungo sa kaunlaran at pagpapanatili ng kapayapaan at kaayusan ng bansa.” ani Police Colonel Villanueva
Source: Quezon Police Provincial Office-PIO
###
Panulat ni Police Executive Master Sergeant Joe Peter Cabugon
